Xhamia e Sinan Pashës

Sipas përshkrimeve, Xhamia e Sinan Pashës është ndërtuar më 1615. Arkitektura e saj paraqet fuqi, kompaktësi, hir dhe elegancë. Sa i përket tipit të arkitekturës, ajo paraqet një monument të rrallë në artin Islamik. Falë pozitës, elegancës, karakteristikave masive dhe minareve të saj të bukura ajo dominon në atë pjesë të qytetit. Kupola vigane i përshtatet harmonishëm hapësirës katrore të ndërtesës. Xhamia ndodhet në një nivel më të lartë prej nga ka pamjen kah rruga kryesore e qytetit historik. Me kupolën e saj gjigante dhe me minaret elegante u bë një nga tiparet dominante arkitektonike të Prizrenit. Brendia e xhamisë është e dekoruar me dizajn gjeometrik, natyrë të qetë, derisa pjesë të tjera të mureve janë të pikturuara me ngjyra të forta e të ndritshme. Xhamia është duke u restauruar nga një organizatë turke që nga viti 2008. Veranda e cila ishte shkatërruar gjatë shekullit të fundit është rindërtuar. Një nga monumentet më tërheqëse në Prizren, Xhamia e Sinan Pashës, po bëhet hap pas hapi më madhështore e më e bukur.